Bakaður fiskréttur

Prenta uppskrift

Hráefni:

7-800 gr ýsuflök roðrifin (eða smálúða, rauðspretta)
4 stk laukur
1 stk sítróna
1 biti ferskur engifer
1 msk sojasósa
50 gr smjör

Aðferð:

Skerið fiskinn í smáar sneiðar.
Rífið börkinn af sítrónunni og pressið safann úr henni, rífið engiferinn.
Blandið saman sítrónuberki, safa, rifnu engifer og sojasósu.
Látið fiskinn marenerast í leginum í 20-30 mín.
Hreinsið laukinn og skerið í þykkar sneiðar, hitið laukinn í smjöri á pönnu þar til hann er orðinn mjúkur.
Leggið laukinn í smurt eldfast fat, setjið fiskinn yfir og kryddið með salti og pipar.
Bakið í ofni við 200°C í 25-30 mín. Borið fram með súrsætri sósu.