Ólafsvíkurmótið 18.-19. júní 2008, Sjósnæ

Sjötta mót sumarsins var haldið í Ólafsvík dagana 18-19 júlí. Þangað mættu 40 karlar og 9 konur frá 7 félögum (Sjór, Sjóís, Sjóak, Sjósnæ, Sjósigl, Sjóve og Sjónes).

Fyrri dagur mótsins byrjaði með kalda og vont í sjóinn. Veðrið lagaðist þó lítillega þegar líða tók á daginn.
Síðari daginn var hinsvegar frábært veður, heiðskýrt, sól og sléttur sjór.
Á mótinu veiddust margir stórir og fallegir fiskar. Þar má nefna löngu sem vóg 13,6 kg. og þorsk sem vóg 16 kg. Á heimasíðu Sjól má sjá stærstu fiska sem veiðst hafa í sumar og af 56 fiskum sem þar eru skráðir eru 20 úr Ólafsvíkurmótinu

Sigurvegari mótsins hjá körlum var Rúnar Helgi Andrason, Sjóak, með 732,54 kg. Það má þó geta þess að aðeins munaði 140 grömmum á fyrsta og öðru sæti hjá körlum.
Sigurvegari kvenna var Sigfríð Ósk Valdimarsdóttir, Sjóak, með 807 kg. og var hún líka aflahæsti einstaklingur mótsins.

Sveitaverðlaun karla var frá Sjósnæ og var skipuð þeim Jóni Einarssyni, Kristbirni Rafnssyni, Jóni B.Andréssyni og Hilmi A. Sigurðssyni.
Þeir veiddu samtals 2226 kg. og meðal á stöng var 621,12 kg.

Sveitaverðlaun kvenna var blönduð sveit skipuð þeim Sigfríði Ósk Valdimarsdóttur (Sjóak), Björgu Guðlaugsdótur (Sjósnæ) og Guðrúnu Jóhannesdóttur (Sjóak) og fiskuðu þær 1603,5 kg, og 534,48 kg í meðal á stöng.

Flestar tegundir fékk Albert Guðmundsson Sjósnæ en hann var með 8 tegundir.

Stærstu fiskar:

Aflahæsti báturinn var Glaumur SH 260 með 2707 kg og 676,90 meðal á stöng. Skipstjóri var Jón Einarsson.

Aflahæsti heimamaðurinn var Jón Einarsson með 732,40 kg.

Heildarafli mótsins var 21,642 kg og meðal á stöng var 441,67 kg.

Höfundur vill þakka mótshöldurum fyrir fínt mót og megi þið eiga gott og farsælt sjóstangaveiðisumar.

Róbert Gils Róbertsson.
Sjostongin.is